أخبار عاجلة
جلسة حكومية قريبة جداً برئاسة الحريري؟ -
قصة “التريث” من بري إلى ماكرون إلى الصيرورة -

بتطبّق القانون وبالك مرتاح؟… انتبه تكون محكوم وإنت مش عارف!

بتطبّق القانون وبالك مرتاح؟… انتبه تكون محكوم وإنت مش عارف!
بتطبّق القانون وبالك مرتاح؟… انتبه تكون محكوم وإنت مش عارف!

لينكات لإختصار الروابط

 

عدد كبير من اللبنانيين اشتكى من اللا إنتظام الحاصل بموضوع محاضر الضبط، واليوم أتى دور الإعلامية والصحافية والكاتبة في مجلّة “المسيرة” الرفيقة جومانا نصر، التي تسلّمت صباح السبت 29/ 7 /2017  قرارا جزائيا على محضر ضبط وقوف من تاريخ 6/11/2006 وهي اساسا لم تستلم يوماً محضر ضبط الا واحدا ودفعته، جومانا سردت ما حصل معها، وموقع “القوات” يضع الموضوع برسم المعنيين للدفع نحو الأفضل:

 

اليوم صباحا وبإسم”الشعب اللبناني”، تبلغت هالمحضر من قبل رقيب حضر وبكل تهذيب من مخفر غبالة بعد ما كان اتصل فيي امس صباحا لتحديد عنوان السكن، اكيد هالكلام لا يطال العنصر اللي بحيي جهدو ولباقته في التعاطي ولا يمس مؤسسة قوى الامن الداخلي، بس بإسم الشعب اللبناني بسأل وبكل خجل القضاء، كيف ممكن بعد 11 سنة اتسلم قرار جزائي على محضر ضبط وقوف قال من تاريخ 6/11/2006 وانا اساسا ما تسلمت يوما الا محضر واحد ودفعتو؟ كيف ممكن احزر انو عليي محضر ضبط وأنا ما استلمتو؟ كيف ممكن يكون عليي محضر ضبط وانا كل سنة بعمل معاينة وبدفع ميكانيك ولا سنة قالولي عليكي غرامة محضر ضبط؟ السيارة اللي عليا محضر الضبط اعلاه بعتا بتاريخ 5/5/2011 تنازلت عنا عند كاتب العدل بمنطقة جديدة غزير وسجلا صاحبا بالنافعة وما حدا قللو في محضر ضبط؟

حتى بعد ما اشتريت سيارة جديدة ونزلت على مركز النافعة ب جونيه وسجلت سيارتي ما حدا قللي انو عليكي محضر ضبط، ومن سنة 2006 لليوم صرت ساحبة شي 20 سجل عدلي ما في واحد مسجل عليه محكوم عليها بغرامة سير ممنوع الوقوف.

راجعت مرجع امني رفيع ضحك وحرفيا قللي مسخرة بعد 11 سنة بس الامر عند القضاء.  والمراجعة لدى المراجع الامنية اكيد ما كانت للتهرب من دفع قيمة الغرامة بس حقي كمواطنة وبإسم الشعب اللبناني استفسر عن هالمهزلة لأنو في حال التخلف، في عقوبة حبس..

بشكر ربي انو هالمحضر وصل انا وعم بتنفس قرف ومهزلة هالبلد وما وصل ذات يوم لولادي تا يدفعو ضريبة المهزلة بهالبلد عني، والمهزلة الاكبر انو بس سألت كيف بعرف انو عليي محضر ضبط بالوقت الحاضر ومش مستلمة ولا محضر وعم بدفع المعاينة بانتظام؟

كان الجواب: ما فيكي تعرفي.

ملاحظة: هل يا ترى القضاء والاجهزة المعنية شايفة السيارات اللي متوقفة تحت مراكز القوى الامنية وسيارات مدنية طبعا مش امنية ولا عسكرية من دون لوحات تسجيل؟ انا كنت بمنطقة شمالية خلال تحقيق ميداني وشفتا وصورتا وكتبت عنا وكنت متأكدة انو ما في شي راح يتغير حتى في عهد التغيير بس حسي المهني ما بيسمحلي اسكت.

بعرف مش انا وحدي اللي ماراح افهم واعرف كيف وليش…  اللي بعرفو وبإسم الشعب اللبناني انو راح ادفع قيمة المحضر وابصم على خيبة املي بوطن حلمت في، بس اكيد ما راح اغلط وخللي ولادي يحلمو بوطن.

#يا_هالعدالة_يا_عيب_الشوم

 

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

السابق مصادر بعبدا: عون ليس بصدد تنظيم طاولة حوار.. و”يستعين بالكتمان”
التالى مواقف عون في “الحوار المتلفز” لم تلق صدى إيجابيا في عواصم الخليج

معلومات الكاتب

نافذة العرب على العالم

ما رأيكم بالشكل الجديد للموقع؟

الإستفتاءات السابقة